Duş kabinindəki ərp ləkələrini BELƏ TƏMİZLƏYİNGələn ildən Rusiyaya səfərlə bağlı yeni qaydalar qüvvəyə minəcək Bakıda kilosu 20 manata nar satılır Bu bürclərin yeni ildə şansları olacaq "Kapital Bank" tələbələr üçün “Emosional zəka” mövzusunda təlimlər keçirib Tanınmış müğənniyə ağır itki - FOTOHikmət Hacıyev Pakistan səfirini qəbul edib Rusiyada vəfat edən tanınmış basketbolçunun meyiti sahibsiz qalıb Metroda yatarkən faciəvi şəkildə dünyasını dəyişdi54 il əvvəl sürücülük vəsiqəsini belə alırdılar – Qızıl Fond”dan NADİR GÖRÜNTÜLƏR - VİDEO
Bakıdan Təl-Əvivə uçuşların sayı artırılır
    • 7-07-2021, 12:30
    • 555

Bakıdan Təl-Əvivə uçuşların sayı artırılır

"Azərbaycan Hava Yolları" aviaşirkəti (AZAL )Bakıdan Təl-Əvivə uçuşların sayını artırır.

AZAL-dan News24.az-a verilən məlumata görə, 11 iyul tarixindən başlayaraq həftənin bazar günləri həyata keçiriləcək reyslərlə yanaşı, uçuş cədvəlinə 22 iyul tarixindən hər həftənin cümə axşamı günləri icra olunacaq daha bir reys əlavə ediləcək.

Aviabiletlərin satışı aviaşirkətin www.azal.az rəsmi saytında, həmçinin aviadaşıyıcının akkreditə olunmuş agentliklərində həyata keçirilir.
Daşımaya yalnız mövcud epidemioloji məhdudiyyətlər şəraitində uçuş icazəsi olan sərnişinlər kateqoriyası qəbul olunacaq.
Azərbaycan Respublikasının Nazirlər Kabineti yanında Operativ Qərargahın qərarına əsasən, İsrail vətəndaşları aşağıdakı sənədləri təqdim etdikdə Azərbaycana səyahət edə bilərlər:

- tam peyvənd olunmaları barədə sertifikat (COVID-19 pasportu) və ya xəstəlikdən sağalmaları barədə arayış;

- uçuşdan əvvəl 72 saat ərzində rəsmiləşdirilmiş COVID-19-a dair PCR testinin neqativ nəticəsi barədə arayış.

18 yaşınadək İsrail vətəndaşları Azərbaycana hava nəqliyyatı ilə gəldikdə yalnız PCR testinin neqativ nəticəsi barədə arayış təqdim edə bilərlər. Bir yaşınadək uşaqlar üçün sertifikat və arayışın təqdim edilməsi tələb olunmur.

İsrailə səyahət etməyi planlaşdıran Azərbaycan vətəndaşları İsrail hökumətindən bu ölkənin ərazisinə giriş icazəsi almalıdırlar.

Pandemiya dövründə İsrail ərazisinə giriş qaydaları ilə aviaşirkətin saytında aşağıdakı keçid vasitəsilə tanış ola bilərsiniz: https://www.azal.az/az/information/covid-israel

Azərbaycanda COVID-19-a dair testdən keçə biləcəyiniz klinikaların siyahısı aviaşirkətin rəsmi saytında təqdim edilib: https://www.azal.az/az/information/covid-clinics

Sərnişin Təl-Əvivdən Bakıya səyahət etdiyi zaman COVID-19-a dair testi dövlət tərəfindən akkreditə olunmuş istənilən klinika və ya laboratoriyada verə bilər. PCR testinin neqativ nəticəsi barədə arayışda onun həqiqiliyini təsdiq edən QR-kodun olması arzuediləndir. Belə kodun mövcudluğu hava limanında rəsmiyyət prosedurlarından daha sürətli keçməyə kömək edəcək.

Qeyd olunan marşrutun sərnişinləri COVID-19-a dair testin nəticəsinin uçuşdan əvvəl 72 saat ərzində etibarlı olduğundan əmin olmalıdırlar.



Oxşar xəbərlər

Xəbər lenti