Zaxarova Əfqanıstana görə ABŞ-a od püskürdü - "Vaşinqtondan kömək deyil, xilas istəyirlər"

"Kabil hava limanı ABŞ-dan təxliyə üçün kömək istəyənlərlə dolu olsa da, cavab yoxdur. Bəs, insan haqlqarı?"

News24.az RİA-ya istinadən xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova deyib.

O bildirib ki, ABŞ adətən baş verən bəzi hadisələrlə bağlı ara vermədən bəyənatlar yayır, əzablara son qoymağa çağırır, qanunsuzluqdan məsul olanlara qarşı sanksiyalarla təhdid edərək təcili tədbirlər görür: "Bildiyim qədəri ilə Kabil hava limanından görüntülər canlı yayımlanır - Əfqanlar təyyarələrə basqın edir və uzun illər ittifaq bağladıqları Vaşinqtondan kömək üçün deyil, xilas üçün xahiş edirlər. Nəticə isə səssizlikdir".