Məhşur aktyorun adından istifadə edərək, gənc qızı aldatdılar

Türkiyənin məhşur aktyoru Oqtay Kaynarca valideyinlərə xəbərdarlıq edib.

News24.az xəbər verir ki, aktyor şəxsi instagram hesabında paylaşım edərək, ailələrə sosial media mövzusunda xəbərdarlıq edib: “ Sosial media nə qədər həyatımızın bir parçasına çevrilsə də, çox təhlükəli və çox diqqət edilməsi lazım olan bir mövzudur. Saxta profillər yaradaraq, pis niyyətli insanların bizə zərər verə biləcək cəhdlərini görürük, şəxsən yaşayırıq. Xaiş edirəm ki,  özünüzün və övladlarınızın belə pis niyyətli cəhdlərə məruz qala biləcəyini unutmayın və daha diqqətli olun! Uşaqlarınızın kiminlə danışdığına, nə danışdığına nəzarət edin. Tanımadığınız birinin çağırdığı yerə mümkündrsə tək getməyin".

O.Kaynarca daha sonra niyə belə bir paylaşım etdiyinin səbəbini açıqlayıb: “ Biri mənim adımnan istifadə edərək, 17 yaşlı qızı aldadıb və onu məhşur edəcəyini söyləyib. Sonra isə qıza görüşmək təklifi edib. Belə mövzularda daha diqqətli olmalıyıq. Geri dönüşü olmayan hadisələr yaşana bilər.”

Şəlalə Ağayeva