“CinemaPlus” qayıtdı! - FOTOLAR - VİDEO

“CinemaPlus” qayıtdı! - FOTOLAR - VİDEO
Foto / MARAQLI

4-10-2021, 12:38

Mətn ölçüsü

Azərbaycan Respublikası Nazirlər Kabineti yanında Operativ Qərargahın qəbul etdiyi qərarına əsasən "CinemaPlus" kinoteatrlar şəbəkəsi oktyabrın 1-dən fəaliyyətə başlayıb.

News24.az xəbər verir ki, bu əlamətdar tarixlə əlaqədar “Gənclik Mall” TM-də yerləşən “CinemaPlus” premium kinoteatrı sevimli tamaşaçıları xüsusi bir sürprizlə qarşılamaq qərarına gəldi və musiqi festivalı təşkil edib.

Tədbiri "Merry Band" peşəkar instrumental musiqi qrupu başlayıb. Musiqili müşayiətlə Tatyana Dolivetsin başçılıq etdiyi film qəhramanları obrazlarında olan animatorlar, əllərində kinoteatrın bayraqlarını və şarları saxlayaraq Ticarət Mərkəzində yürüş ediblər.

Bayram, məşhur film və cizgi filmlərindən mahnıları ifa edən "Avanqard" kamera orkestri tərəfindən tamamlanıb.

“CinemaPlus” öz ənənəsini pozmayaraq növbəti dəfə çox parlaq festival keçirib.

Qeyd edək ki, “CinemaPlus” kinoteatrlar şəbəkəsində oktyabr ayında ən gözlənilən premyeralar olacaq: “Ölmək vaxtı  deyil”, Venom 2, “Dyuna”, Addams Ailəsi 2, Halloween öldürür, Düzəlməz Ron.

“CinemaPlus” – yüksək görüntülü rəqəmsal proyeksiya sisteminə malik və 3D kontentini nümayiş etmək imkanı olan kinoteatrlar şəbəkəsidir. Həmçinin, premium keyfiyyətli kinoekranlar, böyük parlaqlıq və “Enchanced 4KBarco” dəqiq görüntü texnologiyası sayəsində kinofilmləri ən yaxşı və ən yüksək keyfiyyətdə nümayiş etmək imkanı verir.

Bundan başqa “CinemaPlus” ilk dəfə Azərbaycanda Dolby Atmos dünya sistemini tətbiq etmişdir. “CinemaPlus” kinoteatrlar şəbəkəsinə 10 kinoteatr, 50-dən çox ekran və 5 000-dən çox oturacaq daxildir.  

YouTube