"Məni söyərək döydülər, saçımdan sürüdülər..." - SAAKAŞVİLİ

Məni aldadıb həbsxana xəstəxanasına gətiriblər, buna görə də mən tibbi xidmət almaqdan imtina etdim.

News24.az xəbər verir ki, bunu Gürcüstanın həbsdə olan keçmiş prezidenti Mixail Saakaşvili vəkili Nika Qvaramiyaya məktubunda yazıb.

“Qəti şəkildə imtina etməyimə baxmayaraq, məni maşından çıxararaq kriminalların söyüşləri altında yerə yıxdılar və döyməyə başladılar. Bir neçə dəfə boynuma zərbələr endirdilər, saçımdan sürüdülər, bu vaxt mən də müqavimət göstərdim”, - məktubda qeyd olunub.

Onun sözlərinə görə, xəstəxanadakı tibbi heyət şübhəli görünürüdü və bundan əlavə palatalarda cinayətkarların səsləri eşidilirdi.

Saakaşvili yalnız onu müalicə edən həkimlə əməkdaşlıq edəcəyini deyib. /Axar.az/