BŞTİ: "Valideyn Müəllim Assosiasiyaları ilə bağlı problemlər gündəmdədir"

"Valideyn Müəllim Assosiasiyaları ilə bağlı problemlər gündəmdədir. Bu, məktəblərə sosial dəstək göstərilməsinə istiqamətlənən QHT kimi fəaliyyət göstərir. Bu qurumun fəaliyyətinə məktəb, məktəb müdiriyyəti, müəllim qoşula bilməz".

News24.az-ın məlumatına görə, bunu jurnalistlərə açıqlamasında Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva deyib.

BŞTİ müdiri qeyd edib ki, bu təşkilat yalnız valideynlərin könüllü arzusu ilə fəaliyyət göstərir: "Bu istiqamətdə həm məktəbin təşkilati, həm də inkişafı məsələlərində, valideyn-müəllim, valideyn-məktəb fəaliyyətinin düzgün qurulması ilə bağlı ictimai təşkilatların yaradılması fikri müzakirə olunur. Bununla bağlı maraqlı təkliflər var. Yaxın gələcəkdə alternativ idarəetmə qurumu olacaq". 

Məhərrəm Əliyev