Baş prokuror Kəlbəcər və Qubadlıya yeni hərbi prokurorlar TƏYİN ETDİ

Baş prokuror Kəlbəcər və Qubadlıya yeni hərbi prokurorlar təyin edib. 

News24.az-ın əldə etdiyi məlumata görə, Baş prokuror Kamran Əliyevin müvafiq əmrləri ilə Mahir Bayramov Kəlbəcər hərbi prokuroru, Elşən Mürsəlov isə Qubadlı hərbi prokuroru təyin edilib. 

Baş Prokurorluğun Mətbuat xidməti faktı News24.az-a təsdiqləyib. 

Qeyd edək ki, Prezident İlham Əliyevin “İşğaldan azad olunmuş ərazilərdə yeni hərbi prokurorluqların yaradılması haqqında” 1 aprel 2021-ci il tarixli Sərəncamına əsasən Qubadlı və Kəlbəcər Hərbi Prokurorluqları yaradıldıqdan sonra Baş prokuror Kamran Əliyevin müvafiq əmrləri ilə qeyd olunan hərbi prokurorluqların struktur və ştat tərkibi müəyyən edilib.