“Teknofest” Şuşada keçirilə bilər - Səlcuk Bayraktar

Qarabağda hazırda tikinti quruculuq işləri gedir. Prezidentin tapşırıqlarından biri də budur ki, Qarabağ yaşıl zonaya keçirilsin. Texnologiyaların sınaqdan keçirilməsi də burada əsas məqsədlərdəndir. 

News24.az xəbər verir ki, bunu Rəqəmsal inkişaf və nəqliyyat naziri Rəşad Nəbiyev jurnalistlərə açıqlamasında deyib. 

Onun sözlərinə görə, festival gələcək illərdə Qarabağda təşkil oluna bilər: "Smart Qarabağ layihəsi gənclərimizin yeni texnologiyalarla bir araya gəlib "Texnofest-2022"də iştirakını təşkil etməkdir. Festivala dünyanın hər yerindən qatılacaq insanlar olacaq. Gələcək illərdə Qarabağda, Şuşada bu festivallar keçirilə bilər". 

TEKNOFEST Müşahidə Şurasının sədri, Türkiyənin Texnologiya Komandası Vəqfinin ("T3 Vakf"ı) rəhbəri Səlcuq Bayraktar əlavə edib ki, Prezident İlham Əliyev də uyğun görərsə, bu festival Şuşada keçirilə bilər: "Biz Türkiyədə də fərqli bölgələrdə belə fərqli festivallları keçiririk. Bu, ev sahibi olan ölkənin rəhbərindən də asılıdır. Çox şükür ki, bu gün qardaşlarımızla birlikdə bu festivalı ilk dəfə Türkiyədən kənarda, Azərbaycanda keçiririk".