Taleh Kazımovdan görəcəyi işlərlə bağlı - Açıqlama

Xəbər verdiyimiz kimi, bu gün Milli Məclisin İqtisadi siyasət, sənaye və sahibkarlıq komitəsinin iclası keçirilib. İclasda Elman Rüstəmovun Mərkəzi Bankın İdarə Heyətinin üzvlüyündən azad edilməsi və Taleh Kazımovun Mərkəzi Bankının İdarə Heyətinin üzvlüyünə qəbul edilməsi məsələsi gündəlikdə olub.

İclasda iştirak edən Taleh Kazımov ölkə Prezidentinə ona göstərdiyi etimada görə minnətdarlığını ifadə edib.
Komitə üzvlərinə müsbət rəyə görə təşəkkür edib. Fəaliyyəti dövründə  Mərkəzi Bankla parlamentin İqtisadi siyasət, sənaye və sahibkarlıq komitəsi arasında daha sıx və səmərəli əlaqələrin qurulmasında səylərini əsirgəməyəcəyini söyləyib. /Qafqazinfo.az/