Azərbaycan ofşor zonaları ilə bağlı siyahıdan iki yerin adını çıxarıb

“Qiymətli kağızlar bazarında lisenziyalaşdırılan şəxslərin səhmdarı ola bilməyən şəxslərin qeydiyyata alındığı ofşor zonaların Siyahısı”nın təsdiq edilməsi barədə” Nazirlər Kabinetinin 2017-ci il 6 yanvar tarixli 1 nömrəli Qərarında dəyişikliklər edilib.

Müvafiq qərarı baş nazir Novruz Məmmədov imzalayıb.

Belə ki, “Qiymətli kağızlar bazarında lisenziyalaşdırılan şəxslərin səhmdarı ola bilməyən şəxslərin qeydiyyata alındığı ofşor zonaların Siyahısı”nın Nauru və ABŞ Virgin adalarının adları çıxarılıb.

Siyahını təqdim edirik:
1. Anqila
2. Antiqua və Barbuda
3. Aruba
4. Baham adaları
5. Beliz
6. Kuk adaları
7. Qrenada
8. Maldiv adaları
9. Antill (Niderland)
10. Panama
11. Samoa
12. Sent-Kits və Nevis
13. Seyşel
14. Turk və Kaykos
15. Vanuatu.

//Oxu.az