Qubada oğurluğa cəhd edən şəxs hadisəni törədərkən yaxalandı

Qubada oğurluğa cəhd edən şəxs hadisəni törədərkən yaxalandı.

News24.az xəbər verir ki, Baş Mühafizə İdarəsinin Quba  Regional Mühafizə Şöbəsinin əməkdaşları rayon ərazisində oğurluğa cəhd etməkdə şübhəli bilinən şəxsi cinayət başında yaxalayıblar.

Daxili İşlər Nazirliyinin Mətbuat Xidmətinin Quba regional qrupundan verilən məlumata görə,  daxil olmuş müraciət əsasında dərhal hərəkətə keçən Mühafizə Şöbəsinin polis əməkdaşları Xaçmaz rayon sakini Rəhman Rəhimovu hadisə yerində yaxlayıblar.

O, ərzaq mağazasına qapını sındırma yolu ilə daxil olaraq oradan pul, eləcə də müxtəlif növ spirtli içkilər və ərzaq oğurlamağa cəhd edib. Həmin şəxs polis əməkdaşları tərəfindən Quba RPŞ-yə gətirilib.

Quba rayon  məhkəməsinin qərarı ilə R.Rəhimov barəsində inzibati həbs  qaydasında tənbeh növü seçilib.