“Talant Mərkəzi Asiya” yarışmasının qrand finalında 10 nəfər yarışacaq

"Talant Mərkəzi Asiya” yarışması yenə diqqət mərkəzindədir. Yarışmanın azərbaycanlı finalçısı Şəbnəm Abdullazadə digər iştirakçılardan qeyri-adi səsi və virtuoz kamança ifası ilə seçilir.
 
Onun ən yaxın dostu və sirdaşı kamançasıdır. Həyatını musiqiyə həsr edən Şəbnəm Abdullazadə 5 ölkə arasında keçirilən 7-ci yarımfinalın qalibi oldu. Ölkəmizi layiqincə təmsil edən xanım Drezden Simfonik Orkestrinin solisti, həmçinin bir çox beynəlxalq layihələrin iştirakçısıdır.  O, mükəmməl səsi, bənzərsiz ifası, gözəl rəqsi ilə münsifləri heyran etməklə, tamaşaçıların sevgisini qazandı və ən çox səs topladı. 

Finalın digər Azərbaycan təmsilçisi isə kubik- rubiklə möcüzələr yaradan gənc fitri istedad Həzrət Məmmədrzayev olacaq. Həyatın sınaqlarından  məntiqi ilə alnıaçıq çıxan iştirakçımıza bu dəfəki çətinliyi aşmaqda biz dəstək olaq, onu qalib edək!

“Talant Mərkəzi Asiya” yarışmasının qrand finalında 10 nəfər yarışacaq. Səsvermə yolu ilə müəyyən olunacaq qalibə 40 000 manat məbləğində pul mükafatı veriləcək. Onlara dəstək vermək üçün Android və ya iOs-a  uyğun olan Aitu tətbiqini yükləyin! Sadəcə qeydiyyatdan keçib, “Talant Mərkəzi Asiya” mini–tətbiqini seçin.

Uyğun dili qeyd edib, “Qeydiyyatdan keç” düyməsini basın! Artıq səs verə bilərsiniz! Səsvermə bazar ertəsi saat 22:00-dək davam edəcək. Bir olaq, səsimiz eşidilsin! Qoy Azərbaycanın sədası Asiya qitəsinə yayılsın! Şəbnəm Abdullazadə və Həzrət Məmmədrzayevə səs verək!