Azərbaycanda 28 yaşlı oğlan özünü öldürdü

Mingəçevir şəhərində intihar hadisəsi baş verib.

News24.az xəbər verir ki, hadisə bu gün şəhərin Mirzə Fətəli Axundov küçəsində qeydə alınıb.

Həmin küçədə yerləşən mənzillərdən birində şəhər sakini, 1994-cü il təvəllüdlü Yəhya Rəşad oğlu İsmayılzadənin asılmış meyiti tapılıb.
 
Dərhal hadisə yerində araşdırmalar aparılıb və 28 yaşlı Yəhyanın özünü asaraq intihar etməsi məlum olub.

Hazırda araşdırmalar davam etdirilir.