Aydan Şener Ukraynanın beynəlxalq kanalında - FOTO

"Çalıkuşu" bədii serialı ilə dünyada məşhur olan türk aktrisası Aydan Şener Ukraynanın beynəlxalq "1+1" kanalında yayımlanan "Kübar həyat" verilişinin qonağı olub.

Proqramda "Çalıkuşu"ndan da bəhs edən aktrisa "Kamuran" obrazını oynayan aktyor Kenan Kalav haqda danışıb. Bildirib ki, Kenan demək olar ki, aktyorluq karyerasına son verib:

"Kənan hazırda İspaniyada restoran biznesi sahəsində çalışır. Arada İstanbula gəlir. Hər gəldiyində vaxtı az olduğu üçün ancaq telefonda danışırıq".

A. Şener Burak Özcivit və Fahriye Evcenin baş rollarını oynadığı "Çalıkuşu" serialından təklif alması xəbərinə aydınlıq gətirib. Bildirib ki, belə bir təklif olmayıb. Olsaydı da belə, təklifi qəbul etməyəcəkmiş...

News24.Az