“Bu sistem dünyada yeganədir” - Putindən S-500 açıqlaması-FOTO

^{Rusiyanın ən qabaqcıl hava hücumundan müdafiə sistemi olan S-500 Prometey-in artıq orduya təhvil verildiyini qeyd edən Rusiya prezidenti Vladimir Putin, “Bu sistem dünyada yeganədir” deyib.}

News24.az xarici KİV-ə istinadla xəbər verir ki, Rusiya prezidenti Vladimir Putin bildirib ki, Rusiya ordusu ölkədə ən qabaqcıl hava hücumundan müdafiə sistemi olan S-500-ləri yerləşdirmə prosesindədir.

Moskvada hərbi kolleclərin məzunları qarşısında çıxış edən Rusiya lideri qabaqcıl silah sistemlərini yerləşdirmək planlarını açıqlayıb, onun sözlərinə görə, bu sistemlər Rusiyanın, ordunun və donanmanın qarşıdakı illər və hətta onilliklər ərzində döyüş qabiliyyətini müəyyən edəcək.

Putin təyyarələri və raketləri tutmaq üçün nəzərdə tutulan və bəzi anti-peyk imkanlarına malik ola biləcək uzaqmənzilli S-500 raket sisteminin dünyada yeganə olduğunu bəyan edib.