“Qazi ehtiyatsızlıqdan yanıq xəsarətləri alıb” - TƏBİB

Sosial şəbəkələrdə Vətən müharibəsi iştirakçısı Elvin Məmmədovun özünü yandıraraq intihara cəhd etməsi ilə bağlı məlumatlar yayılıb.

Ağdaşda baş verdiyi iddia olunan hadisə ilə bağlı TƏBİB açıqlama yayıb. 

Qurumdan News24.az-a bildirilib ki, Ağdaş rayon sakini, II Qarabağ müharibəsinin iştirakçısı Elvin Məmmədov məişət şəraitində ehtiyatsızlıqdan bədəninin döş qəfəsinin, qarın nahiyyəsinin, sol qolun yanığı diaqnozu ilə 10.07.2022-ci il tarixində xəstəxanaya müraciət edib:

“Xəstəyə Ağdaş Mərkəzi Xəstəxanasında təcili tibbi yardım göstərilərək, Nərimanov Tibb Mərkəzinə təxliyyə edilib.  Vəziyyəti stabildir və qısa müddət ərzində ambulator müalicə üçün evə buraxılması nəzərdə tutulur”.