Təslim olmayacağıq! - Zelenski ukraynalılara müraciət etdi

Prezident Vladimir Zelenski ukraynalıları bir il əvvəl əsası qoyulan- Ukraynanın Dövlətçilik Günü münasibətilə təbrik edib.

News24.az UNİAN-a istinadən xəbər verir ki, bu münasibətlə dövlət başçısı sosial şəbəkələrdə vətənpərvərlik ruhunda videomüraciət yayıb.
"Narahat səhər. Yenə raket terroru. Biz təslim olmayacağıq. Vaz keçməyəcəyik. Bizi qorxutmaq mümkün deyil. Ukrayna müstəqil, azad, bölünməz dövlətdir. Həmişə belə olacaq. Tale mütləq bizə gülümsəyəcək”, - Zelenski bildirib.

Prezident əmindir ki, dövlətçiliyi qorumaq üçün ukraynalıların birləşməsi vacibdir: "Bizim böyük ukraynalı ailəmizi Ukraynanın dövlət rəmzləri ailəsi birləşdirir. Bunlar üç qardaşdır: Ukraynanın Dövlət Bayrağı, Ukraynanın Dövlət Gerbi və Dövlət Himni. Məncə, təkcə bayramı qeyd etmək deyil, həm də dövlətçiliyi qoruyub saxlamaq üçün birləşmək çox vacibdir”.