Vətən Müharibəsi şəhidinin ailəsində faciə: Atası rəhmətə getdi - FOTO

Vətən Müharibəsi şəhidi, əsgər Aslan Əliyevin atası Elman Əliyev vəfat edib.

News24.az-ın məlumatına görə, o, Göyçay rayonunda dünyasını dəyişib.

Qeyd edək ki, Əliyev Aslan Elman oğlu 23.09.2001-ci ildə Göyçay rayonu, Hacalıkənd kəndində anadan olub.

Aslan Vətən müharibəsində igidlik və mərdlik göstərərək 08.11.2020-ci ildə Xocavənd  istiqamətində gedən döyüşlərdə qəhrəmancasına şəhid olub. 

O, Vətən müharibəsində göstərdiyi igidlik və qəhrəmanlıqlara görə “Vətən uğrunda” və “Xocavəndin azad olunmasına görə” medalları ilə təltif edilib.
Allah rəhmət eləsin.