Bu rayona yeni rəis müavini təyin edildi

Daşkəsən rayon Polis Şöbəsinə yeni rəis müavini təyin edilib.

News24.az “Qafqazinfo”ya istinadən xəbər verir ki, bununla bağlı daxili işlər naziri general-polkovnik Vilayət Eyvazov müvafiq əmr imzalayıb.

Əmrə əsasən, Daşkəsən rayon Polis Şöbəsinin Cinayət Axtarışı Bölməsinin rəisi, polis mayoru Qurbanov Vüsal Rəcəb oğlu vəzifəsindən azad edilərək həmin şöbənin əməliyyat işləri üzrə rəis müavini təyin olunub.