Rusiyada qismən səfərbərlik deputatlara da şamil edilə bilər

Qismən səfərbərlik tələblərinə cavab verən Dövlət Dumasının deputatlarının xüsusi əməliyyatda iştirakı istisna edilmir. 

News24.az "İz.ru"ya istinadən xəbər verir ki, bu barədə Dövlət Dumasının sədri Vyaçeslav Volodin məlumat verib.

“Qismən səfərbərlik tələblərinə cavab verənlər xüsusi hərbi əməliyyatda iştirak edərək kömək etməlidirlər. Deputatlar istisna deyil”, – Volodin "Telegram" kanalında yazıb.

Onun sözlərinə görə, qismən səfərbərlik yalnız orduda döyüş təcrübəsi olan və tələb edilən hərbi ixtisaslı ətəndaşlara şamil ediləcək.

"Bu, səfərbərlik  xidmət etməyənlərə, hərbi təcrübəsi olmayanlara, ali məktəblərdə təhsil alanlara şamil edilməyəcək" deyə parlamentin aşağı palatasının spikeri vurğulayıb.