ABŞ hələ də PKK/PYD-yə dəstək verir - Çavuşoğlu

"Təəssüf ki, ABŞ hələ də PKK/PYD-yə dəstək verir”.

News24.az xəbər verir ki, bunu Türkiyənin xarici işlər naziri Mövlud Çavuşoğlu deyib.

Türkiyənin ABŞ-la münasibətlərində problemlər olduğunu vurğulayan nazir qeyd edib ki, ABŞ separatçıları dəstəkləyir.

“Bu terror qurumları da son zamanlar hücumlarının sayını artırıb. Burada FETÖ, digər tərəfdən CAATSA sanksiyaları da bizi narahat edən məsələlərdir. Əslində bunlar bizim üçün milli təhlükəsizlik məsələləridir, müttəfiqimiz ABŞ-dan bu məsələdə həssaslıq gözləyirik”, - Çavuşoğlu deyib.