SEPAH rəsmisi: "Saxlanılanların əksəriyyəti 15 yaşındadır"

İranda Məhsa Əminin ölümündən sonra etirazlar zamanı saxlanılanlarla bağlı İran İnqilab Keşikçiləri Korpusunun baş komandanının müavini Əli Fədəvi açıqlama verib. 

News24.az İRNA-ya istinadla xəbər verir ki, o keçirilən etiraz aksiyalarında saxlanılanların əksəriyyətinin orta yaş həddinin 15 olduğunu bildirib.

Təhsil müəssisələrinin yeni tədris ilinə başlaması ilə etiraz aksiyalarına şagird və tələbələr də qatılıb.

Xatırladaq ki, sentyabrın 13-də Tehranda əxlaq polisi tərəfindən saxlanılan 22 yaşlı Məhsa Əmininin vəfat etməsi ölkə sakinlərinin hiddətinə səbəb olub. Sentyabrın 17-də Əmininin dəfnindən sonra başlayan nümayişlər ölkənin bir neçə şəhərinə yayılıb.