"Ağacların qanunsuz kəsilməsi ilə bağlı cərimələr artırılacaq"

"Ağacların qanunsuz kəsilməsinə görə cəzaların artırılması ilə bağlı layihə aidiyyəti üzrə təqdim olunub. Yaxın vaxtlarda layihənin qəbul edilməsi gözlənilir." 

News24.az xəbər verir ki, bunu 2022-ci ilin yekunlarına dair keçirilən mətbuat konfransında Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə deyib. 

O bildirib ki, cərimələrin 4-5 dəfə artırılması nəzərdə tutulub. Bu qərarın qüvvəyə minməsi ilə Bakı ərazisində vəzifəli şəxslər üçün 18-20 diametrində ağacın kəsilməsi, hüquqi şəxslər üçün isə 8-12 diametrdə ağacın kəsilməsi cinayət məsuliyyəti yaradacaq, hətta həbs cəzası da verilə bilər".

Qumral