“Fiziki cəhətdən sağlamdır” – Qalte Messi haqda

PSJ-nin baş məşqçisi Kristof Qalte Fransa çempionatının 18-ci turunun “Anje” ilə matçından sonra (2:0) fikirlərini bölüşüb.

News24.az xarici KIV-ə istinadən xəbər verir ki, o, həmin matçda fərqlənən Lionel Messi barədə danışıb:

“Bu gün biz yenidən dünyanın ən yaxşı oyunçusunu meydanda gördük. Leo oynamaq istəyirdi. O, fiziki cəhətdən sağlamdır. Messi bizimlə olduqda hər şey fərqli olur. Argentinalı karyerası ərzində çatışmayan yeganə kuboku da qazanıb. Xoşbəxtdir”.

Cənubi Amerikalı futbolçu DÇ-2022-dən sonra Fransa Liqa 1-də ilk oyununa çıxıb.

PSJ 47 xalla Fransa çempionatının turnir cədvəlinə başçılıq edir. “Anje” isə 8 xalla sonuncudur.