Dünyanın ən soyuq kəndində bir gün

Yer kürəsinin ən soyuq yaşayış məntəqəsi olan Yakutiyada həyat haqqında sənədli film çəkilib.

News24.az xəbər verir ki, Yakutiya Rusiya federasiyasının tərkibinə daxildir. Əhalisinin əksəriyyəti Yakut-Saxa türkləridir. Yakut-Saxa türklərinin sayı təxminən  500 min nəfər hesab edilir. Saxa Respublikası Rusiya Federasiyasının ən böyük regionu, habelə dünyanın ən böyük inzibati vahididir. Əgər Saxa müstəqil dövlət olsa, dünyada ərazisinə görə yeddinci dövlət olardı (3103,2 min km²). Lakin əhali sıxlığına görə Rusiyada ən son yerlərdən birini tutur. 1, 3 milyon nəfər əhalisi olan Saxa Respublikasında yaşayanların 50 faizindən çoxunu, təxminən 570-590 min nəfərini Saxa-Yakut türkləri təşkil edir. 

Qeyd edək ki, burada qeydə alınan ən aşağı temperatur -71°C (-95°F) və orta qış temperaturu -50°C (-58°F)dir.