Gülbahar Şükürlü üçün yardım istədi

“Üzümü birbaşa sənət adamlarına tuturam. Dəyərli sənətkarımız, qarmon ifaçısı Gülbahar Şükürlü 10 ildir xərçənglə mübarizə aparır. Bu illər ərzində bir nəfərə belə ağız açmayıb. Bütün müalicəsini öz hesabına edib. Hazırda Gülbahar xanımın vəziyyəti ürəkaçan deyil".

News24.az xəbər verir ki, bu sözləri aparıcı-prodüser Tarix Əliyev (Tolik) sosial şəbəkədə yazıb. O, xəstəlikdən əziyyət çəkən sənətçi üçün şou əhlindən yardım istəyib:

"Müalicə xərclərini çatdıra bilmir. Xalqa ağız açıb, onları narahat etmək də istəmir. Kart hesabını belə paylaşmağa razılıq vermədi. Şou ǝhli, incəsənət nümayəndələri düşünürəm, Gülbahar xanıma biz kömək olmalıyıq. Bu çətin durumda ona dəstəyimizi nümayiş etdirək”./axşam.az