“20 YANVAR: QANLI VƏ ŞANLI TARİXİMİZ”

2023-cü il yanvarın 19-da saat 1100-da Azərbaycan Hərb Tarixi Muzeyində 20 yanvar hadisələrinin baş verməsinin 33-cü ildönümünə həsr olunmuş “20 Yanvar: Qanlı və Şanlı tariximiz” mövzusunda anım tədbiri keçirilib.

News24.az xəbər verir ki, tədbirdə “Zəfər yolu” müharibə iştirakçıları və şəhid ailələrinə humanitar dəstək ictimai birliyinin rəhbəri Pərvanə Abdullayeva, “20 yanvar” ictimai birliyinin sədr müavini e.o.polkovnik Hikmət Ağayev, Azərbaycanın Milli Qəhrəmanı Elxan Zülfüqarovun bacısı Naridə Zülfüqarova, Qarabağ müharibəsi veteranları Ruxsarə Cumayeva, Ramiz Usubov, Tacəddin İmanov, Salman Quliyev, Yasamal rayon Qarabağ müharibəsi əlilləri, veteranları və şəhid ailələri ictimai birliyinin sədri Bəhram Şeydayev, Vətən müharibəsi şəhidlərinin ailə üzvləri  iştirak edib. 

Tədbirdə muzeyin rəisi e.o. polkovnik Əzizağa Qəni-zadənin, muzeyin tədqiqatçı baş elmi işçisi t.ü.f.d. Vahid İsmayılovun, “20 yanvar” ictimai birliyinin sədr müavini e.o.polkovnik Hikmət Ağayevin, Qarabağ müharibəsi veteranı Ruxsarə Cumayevanın məruzə və çıxışları dinlənildi, 20 yanvar faciəsinə həsr olunmuş qısa metrajlı sənədli film nümayış olundu.