"Gecə-gündüz çalışan hər bir Azərbaycan qardaşlarımıza minnətdarlığımızı bildiririk"

“Zəlzələ xəbəri alınan ilk gündən etibarən Türkiyə Cümhuriyyəti bütün qurumları ilə birlikdə səfərbər oldu".

News24.az xəbər verir ki, bu fikirləri Türkiyədəki zəlzələ ilə bağlı keçirilən birifinqdə Türkiyənin ölkəmizdəki səfiri Cahit Bağçı deyib.

Səfir açıqlamasında Azərbaycanın beynəlxalq yardım çağırışını gözləmədən Cənab İlham Əliyevin göstərişi ilə hərəkətə keçdiyini diqqətəö çatdırıb:

"Azərbaycan zəlzələdən dərhal sonra Türkiyəyə xilasediciləri daşıyan təyyarə göndərdi. Bundan başqa, qardaş ölkənin bütün bölgələrində xalq Türkiyədə zəlzələ qurbanları üçün yardım kampaniyasına başladı. Bütün qardaşlarımıza, Azərbaycanlı iş adamlarına təşəkkür edirik. Zəlzələnin ikinci günü Prezident İlham Əliyev Azərbaycan adına başsağlı verdi və təlimatlarını göstərdi".

Cahit Bağçı əlavə edib ki, 7 gün ərzində Azərbaycandan çox sayda rəsmi şəxslərlə əlaqədə olublar. Gecə-gündüz çalışan hər bir Azərbaycan vətəndaşına, qardaşlarımıza minnətdarlığımızı bildiririk".

Məhərrəm ƏLİYEV