Şimal bölgəsində temperatur mənfi 15 dərəcəyədək enib

Ötən gün axşam saatlarından başlayaraq şimal bölgəsində hava şəraiti kəskin pisləşib. Regiona qar yağmağa başlayıb.

News24.az -ın verdiyi məlumata görə, Qubanın rayon mərkəzində qarın hündürlüyü 2 sm, Xaltan 16 sm, Xınalıq 12 sm və Qrız kəndlərində 12 sm olub.

Xızının Altıağac qəsəbəsində 13 sm, Qusarın rayon mərkəzində isə 1 sm, Ləzə kəndində isə 12 sm qar müşahidə olunub. Şabran və Xaçmazda qarın hündürlüyü 1 sm-ə çatır.

Ən aşağı temperatur Qubanın Qrız kəndində qeydə alınıb. Burda havanın temperaturu mənfi 15 dərəcəyədək enib.