Xalq artisti Ramiz Novruz vəfat etdi - YENİLƏNDİ

Xalq artisti Ramiz Novruz xəstəxanada vəfat edib.

Bu barədə oğlu Cavidan Novruz bildirib.

O, vida və dəfn mərasimləri ilə bağlı məsələlərin hələlik dəqiqləşmədiyini deyib.
Xalq artisti xərçəng xəsətəliyindən əziyyət çəkirdi.

***
Saat 01:01

Xalq artisti Ramiz Novruz uzun sürən xəstəlikdən sonra vəfat edib.

Bu barədə onun yaxınları məlumat veriblər.

Qeyd edək ki, Ramiz Novruzov (Ramiz Novruz) 25 may 1955-ci ildə Biləsuvar rayonuunun Səmədabad qəsəbəsində doğulub.
Teatr sənətindəki xidmətlərinə görə Ramiz Novruz 1993-cü ildə Azərbaycan Respublikasının Əməkdar artisti, 1998-ci ildə Azərbaycan Respublikasının Xalq artisti fəxri adlarına layiq görülüb.

Xalq artisti bir neçə dəfə Prezident Mükafatına, 2018-ci ildə Azərbaycan Respublikası Prezidentinin fərdi təqaüdünə layiq görülüb. /APA/