Honkonqda dəhşətli yanğında ölənlərin sayı artdı – Yeniləndi

Honkonqda 3 binada yanğını nəzarət almaq mümkün olub. Digər 4 binada yanğın davam edir.

News24.az xəbər verir ki, bu barədə "Reuters" məlumat yayıb.

Xatırladaq ki, yanğın zamanı 36 nəfər həlak olub. Onların arasında yanğınsöndürən də var.

**

Honqkonda yaşayış binasında baş verən yanğında ölənlərin sayı 36 nəfərə yüksəlib.

News24.az xəbər verir ki, bu barədə "Reuters" məlumat yayıb.

279 nəfərlə əlaqə kəsilib. Daha 29 nəfər isə xəstəxanaya yerləşdirilib.

**

Honkonqun Tai Po rayonunda çoxmərtəbəli yaşayış kompleksində baş verən irimiqyaslı yanğın faciəyə səbəb olub.

News24.az “Reuters”ə istinadla xəbər verir ki, yaşayış kompleksində olan 8 binadan 7-si yanır. Binalarda ümumilikdə 2000-dən çox mənzil var.

Hadisə yerinə 100-dən çox yanğınsöndürən maşın, 700-dən çox canlı qüvvə və 57 təcili yardım avtomobili cəlb edilib.

700-dək insan təxliyə edilib və sığınacaqlara yerləşdirilib. 13 nəfərin isə həlak olduğu bildirilir.