Afrika və Asiya ayrılır: Süveyşdə gizli tektonik hərəkət aşkarlandı

Yeni geoloji tədqiqatlar Afrika və Asiya arasında Süveyş körfəzi boyunca gözlənilməz tektonik aktivliyin olduğunu üzə çıxarıb.

News24.az xəbər verir ki, araşdırmaya görə, iki qitə ildə təxminən 0,55 millimetr sürətlə bir-birindən uzaqlaşır. Uzun illər hərəkətsiz hesab edilən bu qırılmanın əslində aktiv olması rift sistemlərinin təsnifatını dəyişə biləcək mühüm kəşf kimi qiymətləndirilir.

Alimlər bildirirlər ki, proses yaxın zamanda qitələri fiziki olaraq ayırmayacaq, lakin bu, milyon illər sonra baş verə biləcək böyük kontinental parçalanmanın ilkin siqnalları hesab olunur. Bu tapıntı Şərqi Afrika riftində davam edən böyük geoloji dəyişikliklərlə birlikdə, Yer qabığının daim hərəkətdə olduğunu bir daha təsdiqləyir.