"Bütün detallar bu gün razılaşdırılmalıdır" – İran-ABŞ müharibəsində kritik dönüş

Pakistan müharibə əməliyyatlarının dayandırılması üzrə çərçivə proqramı hazırlayıb və bu sənəd gecə saatlarında İran və ABŞ-yə təqdim olunub.

News24.az xəbər verir ki, sənəddə dərhal atəşkəs və ardınca hərtərəfli razılaşmanın əldə olunmasını nəzərdə tutan iki mərhələli yanaşma təqdim olunub.

İlkin razılaşma anlaşma memorandumu formasında olacaq və danışıqlar zamanı yeganə əlaqə kanalı olan Pakistan vasitəsilə elektron şəkildə yekunlaşdırılacaq.

Təklifə əsasən, atəşkəs dərhal qüvvəyə minəcək və bu, Hörmüz boğazının yenidən açılmasına imkan verəcək. Daha geniş nizamlanmanın hazırlanması üçün isə 15–20 gün vaxt ayrılacaq.

Şərti olaraq “İslamabad Sazişi” adlandırılan bu razılaşmaya boğazla bağlı regional konsepsiya daxil olacaq və yekun danışıqlar fiziki formatda İslamabadda keçiriləcək.

Pakistanın təklif etdiyi iki mərhələli sazişin ilkin mərhələsində atəşkəs dərhal qüvvəyə minir, Hörmüz boğazı dərhal açılır (qlobal neft daşımaları üçün həlledici məqamdır).

Növbəti mərhələdə (15–20 gün) yekun hərtərəfli sülh sazişi üzrə danışıqlar aparılır, şərti olaraq “İslamabad razılaşması” adlandırılır.

Yekun sazişdə isə İran nüvə proqramına məhdudiyyətlər qoyulmasına razılıq verir (silah istehsalından imtina).

Əvəzində sanksiyalar ləğv ediləcək, dondurulmuş aktivlər sərbəst buraxılacaq, Hörmüz boğazının təhlükəsizliyi üçün daha geniş regional çərçivə sazişi hazırlanacaq.

Təklif olunan proqrama əsasən bütün elementlər bu gün razılaşdırılmalıdır. /Reuters