Epşteynlə bağlı gündəmi silkələyən detallar açıldı: Bu sənədlərdə nə var idi?

Pedofiliya və insan alveri ittihamları ilə gündəmə gələn amerikalı milyarder Ceffri Epşteynin ABŞ-nin müxtəlif bölgələrində icarəyə götürdüyü gizli saxlama bölmələrinin olduğu üzə çıxıb.

News24.az xəbər verir ki, bu anbarlardan biri Palm Biç bölgəsində yerləşib. Burada kompüterlər, video kasetlər, ünvan kitabçaları, ad siyahıları və çoxsaylı foto materialların saxlanıldığı bildirilir.

Məlumatda qeyd olunur ki, bölmədə çılpaq qadınların şəkilləri, pornoqrafik jurnallar və kasetlər də olub.

Daha əvvəl Epşteynin 2005-ci ildə Floridadakı mülkünə polis basqınından əvvəl bəzi əşyaları gizlətmək üçün özəl müstəntiqlərə pul ödədiyi yazılmışdı. İddialara görə, sözügedən anbarlar onun adından detektiv agentlik vasitəsilə icarəyə götürülüb.

Məlumata əsasən, illər sonra Federal Təhqiqat Bürosu (FTB) iki kompüterin sərt disk surətlərini əldə etsə də, kilidli saxlanılan otaqlardakı bütün materialların tapılıb-tapılmadığı hələ də dəqiq bilinmir. Axtarış orderlərinin təhlili isə bəzi anbarlara ümumiyyətlə rəsmi basqın edilmədiyini göstərir. (The Telegraph)