Gərginlik artır: Maduro ordunu gücləndirir

Venesuelada 5 600 yeni əsgər Bolivar Milli Silahlı Qüvvələrinə (FANB) qoşulmaq üçün and içib.

News24.az xəbər verir ki, hökumət bu addımı ABŞ və Karib hövzəsində yerləşən hərbi qüvvələrdən gələn “imperialist təhdidlərə” cavab kimi qiymətləndirib. Yeni qoşulan əsgərlər dövlət televiziyası vasitəsilə prezident Nikolas Maduroya sədaqət andı içiblər və FANB-nin Venesuelanın sabitliyi, sülhü, təhlükəsizliyi və gələcəyi üçün əsas dayaqlardan biri olduğunu bəyan ediblər.

FANB komandanı general Xavyer Xose Markano bildirib ki, mövcud təhdidlər fonunda xüsusilə gənclər arasında orduya qoşulmaq istəyənlərin sayı xeyli artıb. Onun sözlərinə görə, minlərlə gənc ölkəni qorumaq məqsədilə Bolivar Milli Silahlı Qüvvələrinə müraciət edib.

Rəsmi məlumatlara əsasən, hazırda Venesuelada təxminən 200 min aktiv hərbçi, 200 min polis əməkdaşı və milyonlarla ehtiyat milis üzvü mövcuddur.