"Meta" işçilərini ixtisar edir

"Meta" şirkətində işçi heyətinin təxminən 10%-nin ixtisarına başlanılıb.

News24.az xəbər verir ki, şirkətin baş direktoru Mark Zuckerberg işçilərə ünvanladığı məktubda ixtisarların şirkətin gələcək strategiyasına uyğun olaraq həyata keçirildiyini bildirib. O, əməkdaşlara təşəkkür edərək, onların töhfələrinin şirkət üçün vacib olduğunu vurğulayıb.

Zuckerberg həmçinin süni intellektin (AI) şirkətin gələcək inkişafında əsas istiqamət olduğunu qeyd edib və bu sahədə liderliyin böyük əhəmiyyət daşıdığını bildirib.

Məlumata görə, restrukturizasiya çərçivəsində təxminən 8 min iş yerinin ixtisarı və əlavə minlərlə vakant vəzifənin doldurulmaması nəzərdə tutulur. İşdən çıxarılan əməkdaşlara qərar barədə rəsmi bildirişlərin artıq göndərildiyi bildirilir.