Məktəbə silahlı hücum- Şagirdlər girov götürüldü - Bu ölkədə

Türkiyənin Şanlıurfa bölgəsinin Siverek rayonunda yerləşən liseydə silahlı insident olub.

News24.az xəbər verir ki, Hasan Çələbi məhəlləsində yerləşən Ahmet Koyuncu Peşə və Texniki Anadolu Liseyində bir şagirdin silahlı hücum həyata keçirdiyi iddia olunub.

Məktəbə daxil olan hücumçunun təsadüfi atəş açdığı və 7 nəfərin yaralandığı bildirilib.

Məlumata görə, əraziyə dərhal təcili yardım, polis və xüsusi təyinatlı qüvvələr cəlb olunub. Məktəb daxilində olan şəxsin bəzi şagirdləri girov götürdüyü də irəli sürülüb.

Təhlükəsizlik qüvvələrinin məktəbdəki şagirdlərin böyük hissəsini təxliyə etdiyi bildirilib.

Bölgədə hücumçunun zərərsizləşdirilməsi üçün əməliyyatların davam etdiyi qeyd olunub. /CNN Türk/