İran ABŞ ilə danışıqları mənasız adlandırdı

ABŞ ilə baza razılaşmasının 10 maddəsindən üçünün pozulması səbəbindən danışıqların məqsədəuyğunluğu şübhə altına düşüb.

News24.az xəbər verir ki, bu sözləri İran parlamentinin spikeri Məhəmməd Baqir Qalibaf deyib.

“İndi danışıqlar üçün real əsas daha öncədən açıq və aydın şəkildə pozulub. Belə bir vəziyyətdə ikitərəfli danışıqlar və ya atəşkəs şübhə doğurur,” — deyə Qalibafın bəyanatında bildirilib.

Onun sözlərinə görə, pozuntulardan biri İsrailin Livana zərbələri davam etdirməsidir.

O, həmçinin İran hava məkanında düşmənin pilotsuz uçuş aparatının (PUA) aşkarlandığını və ölkənin cənubundakı Lar şəhəri yaxınlığında məhv edildiyini qeyd edib.

Bundan əlavə, Qalibaf ABŞ-nin İranın uranı zənginləşdirmək hüququna mane olmağa davam etdiyini, halbuki bunun razılaşdırılmış şərtlərdən biri olduğunu vurğulayıb.

Qeyd edək ki, aprelin 8-də ABŞ silahlı qüvvələri elan olunmuş atəşkəs rejiminə uyğun olaraq İrana qarşı zərbələri dayandırıb.

Öz növbəsində İran, Amerika prezidenti Donald Trampın iki həftəlik atəşkəs bəyanatından sonra ABŞ üzərində qələbə elan edib. /İnterfax/