"İran ya razılaşmaya gedəcək, ya da ABŞ başlanılan işi tamamlayacaq"

“İran ABŞ ilə kompromis razılaşmalarına gedəcək, ya da ABŞ başlanılan işi tamamlayacaq”.

News24.az xarici KİV-ə istinadən xəbər verir ki, bu sözləri ABŞ prezidenti Donald Tramp deyib.

“Onlar ya düzgün davranacaqlar, ya da biz sadəcə başladığımız işi bitirəcəyik. Ya razılaşma əldə edəcəyik, ya da onlar məhv ediləcəklər. Necə olursa olsun, biz qalib gəlirik”, - deyə o bildirib.

Amerika lideri İranla bağlı vəziyyət üzrə Si Cinpinlə danışıqlarda bu mövzudan imtina edib-etməyəcəyi sualına aydın cavab verməyib.

O bildirib ki, bu məsələ barədə təyyarə uçuşu zamanı və daha sonra qısa müddət ərzində düşünəcək.

O, yenidən iddia edib ki, İran əvvəlcə ABŞ ilə nüvə silahı hazırlamamaq barədə razılıq verib, lakin sonradan bunu yazılı şəkildə təsdiqləməkdən imtina edib.

“Nüvə silahı olmayacaq. Onlar bunu bilirlər. Razılaşmışdılar, amma sonra mənə bunu demədilər”, - deyə Tramp bildirib.

O, həmçinin İranla bağlı ABŞ-nin mövqeyinə Çinin nə dərəcədə təsir edə biləcəyi barədə sualı cavablandıraraq bildirib ki, bu mövzuda uzun söhbət aparılacaq və ümumilikdə vəziyyət nəzarətdədir.

“Düşünmürəm ki, bizə İran məsələsində əlavə yardım lazımdır. Biz istənilən halda qalib gələcəyik. Ya sülh yolu ilə, ya da başqa şəkildə”, - deyə o əlavə edib.