Rusiya Sumıni atəşə tutdu, ölənlər və yaralananlar var
Dünya
Rusiyanın Ukraynanın Sumı vilayətini atəşə tutması nəticəsində iki polis əməkdaşı ölüb, hüquq-mühafizə orqanlarının altı əməkdaşı, habelə iki mülki şəxs yaralanıb.
News24.az report-a istinadən xəbər verir ki, bu barədə Sumı vilayətinin hərbi administrasiyası teleqramda bildirib.
Bildirilib ki, ümumilikdə region 59 dəfə atəşə tutulub. Atəşlər artilleriya, minaatanlar, döyüş təyyarələri, həmçinin dronlar vasitəsilə həyata keçirilib. Eyni zamanda, bölgə reaktiv yaylım atəşi sistemi ilə də hücuma məruz qalıb.
