Tramp Macarıstanın Baş naziri ilə görüşəcək

ABŞ-ın keçmiş prezidenti Donald Tramp gələn həftə Macarıstanın Baş naziri Viktor Orbanı Floridadakı Mar-a-Laqo malikanəsində qəbul edəcək. 

News24.az xəbər verir ki, bu barədə “Bloomberg” məlumat yayıb.

Məlumata görə, belə bir addım ABŞ-ın müttəfiqlərinin keçmiş Amerika liderinin hakimiyyətə qayıtması perspektivi ilə bağlı narahatlığını artıra bilər.

Qeyd edək ki, görüşün martın 8-də baş tutacağı gözlənilir.

Xatırladaq ki, fevralın 25-də Tramp Vaşinqtonda Mühafizəkarların Siyasi Fəaliyyət Konfransındakı çıxışından əvvəl Argentina prezidenti Xavyer Mili ilə görüşüb. 

Mehriban Mirzəzadə