Ukraynada səfərbərlikdən yayınmaq istəyənlər bu qədər ödəniş edirlər

Ukraynada səfərbərlik prosesi fonunda genişmiqyaslı kölgə bazarı formalaşıb. Səfərbərlikdən yayınmaq istəyənlər üçün saxta sənədlərdən tutmuş, ölkədən qeyri-qanuni çıxışa qədər müxtəlif sxemlər təklif olunur.

News24.az xəbər verir ki, Ərazi Komplektləşdirmə Mərkəzlərində (ƏKM) göstərilən qeyri-qanuni xidmətlərin gizli tarifləri məlum olub. Ortaya çıxan məlumatlara görə, "xidmətlərin" qiyməti risk dərəcəsinə və təminat səviyyəsinə görə dəyişir:

• 300–2000 dollar — axtarışdan çıxarılma;

• 2,5 min dollar — hərbi qeydiyyat məlumatlarının “maneəsiz” yenilənməsi;

• 3 min dollar — sağlamlıq vəziyyəti ilə bağlı sənədlər və sistemdə dəyişikliklər vasitəsilə hərbi qeydiyyatdan çıxarılma;

• 4 min dollar — çağırış vərəqəsinin təqdim olunmaması;

• 5 min dollar — tibbi komissiyasız, döyüş çağırışı və inzibati məsuliyyət olmadan Ərazi Komplektləşdirmə Mərkəzinin binasından “çıxış”;

• 6 min dollar — şəxsin Ərazi Komplektləşdirmə Mərkəzinə aparılmaması;

• 6 min dollar — kritik infrastruktur obyektində saxta iş yeri;

• 7 min dollar — “himayəçilik” barədə saxta məhkəmə qərarı ilə təxirəsalma;

• 9 min dollar — “ömürlük” qeydiyyatdan çıxarılma;

• 10 min dollar — “xüsusi reys”, yəni saxta tibbi evakuasiya sxemi (şəxsin reanimobil ilə xəstə kimi çıxarılması);

• 12 min dollar — Moldova, Rumıniya, Polşa və ya Macarıstan üzərindən “yaşıl dəhliz”;

• 16 min dollar — tibbi komissiyanın qərarına təsir və sərhədi keçmək üçün sənədlər paketi;

• 18 min dollar — saxta diaqnoz;

• 20 min dollara qədər — “bron” (səfərbərlikdən azadolma);

• 25 min dollar — bəzi hallarda hərbi qeydiyyatdan çıxarılma / yararsızlıq rəsmiləşdirilməsi;

• 50 min dollar — saxta əlillik, qeydiyyatdan çıxarılma və xaricə çıxış. /Ukrainska Pravda