Xəzərdə gəmilərin vurulmasının detalları bəlli oldu

İsrail Xəzər dənizində İranın silah qaçaqmalçılığı marşrutuna zərbə endirib.

News24.az xəbər verir ki, ötən həftə İsrail Xəzər dənizində İranın müharibə zamanı Rusiyaya dəstək üçün vacib olan hədəfini vurub.

Zərbə sursat, dron və digər silahların daşınmasında istifadə edilən təchizat xəttinə dəyib.

ABŞ Hərbi Dəniz Qüvvələrinin əlçatmaz olduğu Xəzər dənizi Rusiya və İrandakı limanları bir-birinə təxminən 1000 kilometr məsafədə birləşdirir və bu, limanlar vasitəsilə yalnız silah deyil, həm də neft və taxıl kimi malların mübadiləsi aparılır.

Bu marşrut hər iki ölkədə istehsal olunan İran “Shahed” dronlarının təchizatı üçün xüsusilə vacib hala gəlib.

Qeyd edilib ki, Xəzər dənizi hərbi təchizat və taxıl da daxil olmaqla həyati əhəmiyyətli resursların ticarəti ilə sıx bağlıdır. Buna görə də zərbə İranın ərzaq təchizatı üçün də risk yaradıb. /The Wall Street Journal/