Beyləqanda yeni doğulan körpə öldü - Yeniləndi

Beyləqan rayonunda yeni doğulan körpənin ölümü qeydə alınıb.

News24.az xəbər verir ki, rayonun Birinci Şahsevən kənd sakini 30 yaşlı Ülviyyə Musa qız Əliyeva Beyləqan Rayon Mərkəzi Xəstəxanasına doğuş səbəbilə daxil olib.

Onun dünyaya gətirdiyi oğlan uşağı doğuşdan sonra ölüb.

Faktla bağlı araşdırma aparılır. (Report)

****

Fevralın 2-də saat 10:00 radələrində 1996-cı il təvəllüdlü hamilə Beyləqan Rayon Mərkəzi Xəstəxanasına hospitalizasiya olunub.

Bu barədə News24.az -ın sorğusuna cavab olaraq Beyləqan Rayon Mərkəzi Xəstəxanasından məlumat verilib.

Bildirilib ki, hamiləliyinin 39-cu həftəsində olan pasiyentdə təbii doğuş prosesi icra edilib:

"Körpənin (kişi) çəkisi 4100 qr., boyu 53 sm. olub. Doğuşdan sonra yenidoğulmuşa dəqiqləşdirilməmiş tənəffüs çatışmazlığı diaqnozu təyin olunub. Aparılan reanimasiya tədbirlərinə və həkimlərin çoxsaylı səylərinə baxmayaraq, fevralın 9-da saat 12:00 radələrində yenidoğulmuşun bioloji ölüm faktı qeydə alınıb".

Hadisə ilə əlaqəli Beyləqan Rayon Prokurorluğunda araşdırma aparılır.