Şəkidə yaşayış binasında yanğın: sakinlər təxliyə edildi – Yeniləndi

Şəkidə yaşayış binası yanıb.

News24.az xəbər verir ki, hadisə M.Ə. Rəsulzadə prospektində yerləşən beşmərtəbəli binada qeydə alınıb. Tural İsmayılova məxsus üçotaqlı mənzildə baş verən yanğın genişlənməsinə imkan verilmədən söndürülüb. Yanğınsöndürənlər tüstülənmənin artmasını nəzərə alıb binada yaşayan 10 nəfəri təhlükəsiz əraziyə təxliyə edib.

Yanğın zamanı xəsarət alan olmayıb. Faktla bağlı araşdırma başlanılıb. (Unikal)

**

Şəki şəhərində çoxmərtəbəli yaşayış binasında yanğın hadisəsi qeydə alınıb.

News24.az xəbər verir ki, hadisə axşam saat 19:00 radələrində şəhərin M.Ə. Rəsulzadə prospektində yerləşən 5 mərtəbəli yaşayış binasının ikinci mərtəbəsində baş verib. Belə ki, Tural İsmayılova məxsus 3 otaqlı mənzildə yanğın çıxıb.

Əraziyə dərhal Şəki Rayon Dövlət Yanğından Mühafizə Hissəsinin texnikası və şəxsi heyəti cəlb olunub. Yanğının genişlənməsinin qarşısı operativ şəkildə alınıb.

Hadisə nəticəsində mənzilin otaqlarından birinin yanar konstruksiyaları zədələnib. Tüstülənmə səbəbindən 10 nəfər bina sakini yanğınsöndürənlər tərəfindən təhlükəsiz əraziyə təxliyə edilib.

Yanğın zamanı xəsarət alan olmayıb. Faktla bağlı araşdırma aparılır. (APA)