Qaxın ucqar kəndi ilə əlaqə kəsildi

Güclü qar səbəbindən Qax rayonunun Sarıbaş kəndi ilə əlaqə kəsilib.

News24.az "Unikal"a istinadla xəbər verir ki, ötən gün axşam saatlarından başlayaraq Şimal-Qərb bölgəsinə yağan güclü qar səbəbindən kəndlə nəqliyyat əlaqəsi tamamilə kəsilib.Kənd sakinlərinin dediyinə görə, ötən gün axşam saatlarından onlar şəhər mərkəzinə  gedə bilmirlər.

Hazırda Sarıbaş kəndində qarın qalınlığı 40-45 sm-dir və yağmaqda davam edir. 

Qeyd edək ki, Sarıbaş kəndi Qax rayonunun ən ucqar dağ kəndlərindəndir.