Saxlanılan məşhur aktyor açıqlama yaydı

Narkotik istintaqı çərçivəsində saxlanılan türkiyəli aktyor Can Yaman açıqlama yayıb.

News24.az xəbər verir ki, aktyor genişmiqyaslı antinarkotik əməliyyatı zamanı həqiqətən polis bölməsinə gətirildiyini, lakin onda heç bir qadağan olunmuş maddə aşkar edilmədiyini bildirib.

Yamanın sözlərinə görə, yoxlamadan sonra onu demək olar ki, dərhal azad ediblər və növbəti gün maneəsiz olaraq Türkiyəni tərk edib. O, hazırda Avropada yaşadığını və işlədiyini deyib.

“Düşünürsünüz ki, polis sərt istintaqlar aparıb tanınmış şəxsləri həbs etdiyi vaxt mən həqiqətən narkotiklə gəzirəm? Əgər bu həqiqət olsaydı, məni qısa müddətdə buraxmazdılar və növbəti gün İtaliyaya qayıda bilməzdim”, — deyə aktyor yazıb və əlavə edib ki, onun fikrincə, Türkiyə KİV-i uzun müddətdir ona qarşı qərəzli münasibət göstərir.