Sərnişinlə "BakuBus" sürücüsü arasında mübahisə - Video - Yeniləndi
Hadisə
Bakıda "BakuBus" sürücüsü ilə sərnişin arasında çəkişmə yaşanıb.
News24.az xəbər verir ki, mübahisə Ağ Şəhər yaxınlığında, 4 nömrəli marşrut avtobusunda baş verib.
Mübahisəyə sərnişinin avtobusu dayanacaqdan kənar yerdə dayandırmaq istəməsi səbəb olub. (Unikal)
11:00
Bu gün saat 11:30 radələrində BakuBus MMC-nin istismarında olan 4 nömrəli müntəzəm marşrut xətti üzrə hərəkət edən avtobuslardan birində sürücü və sərnişin arasında anlaşılmazlıq baş verib.
Bu barədə News24.az-ın sorğusuna cavab olaraq BakuBus MMC-dən məlumat verilib.
Bildirilib ki, sərnişin sürücüdən dayanacaqdan kənar ərazidə saxlamasını tələb edib:
"Sürücü isə mövcud qaydalara əsasən marşrut avtobuslarının yalnız təyin olunmuş dayanacaq məntəqələrində saxlaya bildiyini izah edib".
"Müntəzəm marşrut avtobusları tərtib olunmuş hərəkət sxemi üzrə fəaliyyət göstərir və sərnişinlərin minib-düşmələri yalnız xətt üzrə müəyyən edilmiş dayanacaqlarda təmin edilir. İctimai nəqliyyatdan istifadə edən bütün sərnişinlərdən mövcud qaydalara riayət etmələrini xahiş edirik", - deyə məlumatda qeyd edilib.
