Üçüncü mərtəbədən yıxılan yeniyetmə 3 gün sonra öldü

Sumqayıt şəhərində 16 yaşlı qız ağır xəsarətlər alıb.

News24.az xəbər verir ki, aprelin 1-i saat 13 radələrində Sumqayıt sakini 2010-cu il təvəllüdlü F. İsayeva 3-cü mərtəbədə yaşadığı evin pəncərəsindən yıxılıb.

Xəstəxanaya yerləşdirilən F.İsayevanın vəziyyəti ağırdır.

Faktla bağlı araşdırma aparılır.

Yaşar Araz

02.04.26; 12:09

Aprelin 1-i saat 13:20 radələrində Sumqayıt Tibb Mərkəzinin Təcili Tibbi Yardım Xəstəxanasına ağır vəziyyətdə hospitalizasiya olunan 2010-cu il təvəllüdlü şəxsin (qadın cinsli) aparılan reanimasiya tədbirlərinə baxmayaraq, aprelin 4-ü saat 06:30 radələrində bioloji ölüm faktı qeydə alınıb.

Bu barədə News24.az-a Sumqayıt Tibb Mərkəzinin məlumat verilib.

Meyit təşrih olunması üçün aidiyyəti üzrə təhvil verilib.

Qeyd edək ki, ağır kəllə-beyin travması, baş-beynin əzilməsi, ikitərəfli pnevmotoraks və dalağın cırılması diaqnozları təyin olunan pasiyent üzərində splenektomiya (dalağın götürülməsi) əməliyyatı icra olunmuşdu.