"Rəqibi təhlil etmişik, meydanda inamla oynamalıyıq"

“Sabah böyük komandaya qarşı oynayacağımızın fərqindəyik”.

News24.az xəbər verir ki, bu sözləri UEFA Çempionlar Liqasının Əsas Liqa mərhələsinin IV turu çərçivəsində keçiriləcək “Qarabağ” – “Çelsi” qarşılaşmasından öncə təşkil olunan mətbuat konfransında "Qarabağ" futbol klubunun oyunçusu Elvin Cəfərquliyev deyib.

Oyunçu bildirib ki, qarşıdakı oyunda bütün Azərbaycanın diqqəti komandalarının üzərində olacaq:

"“Çelsi" futbol komandasını təhlil etmişik, tamamilə fərqli strateji yanaşma nümayiş etdirirlər. Meydanda inamlı və güclü olmağımız vacibdir”.

Elvin Cəfərquliyev həmçinin xarakter xüsusiyyətlərindən danışaraq qeyd edib:

“Mənim aqressiv xarakterim var və çalışıram ki, bunu ikitərəfli şəkildə idarə edim. Xarakter üzərində işləmək mənim üçün daha asandır, nəinki meydanda özümü idarə etmək”.